炎點愛．炎點熹望義工隊於 2022 年 1 月成立，「炎點愛」係以炎明熹粉絲後援會 名義為 Gigi 發放愛心和正能量嘅方法，以傳愛同幫助他人為首要目的，同時亦為 炎明熹以及炎明熹粉絲後援會帶來正面嘅影響。透過定期參與各項慈善活動，喺 不同地點以各種方式將 Gigi 給粉絲們的愛，由粉絲們分享到每一個角落，並履行 生於社會、貢獻社會嘅不忘本精神，由炎明熹粉絲後援會牽頭陪伴 Gigi 向前行。 一個人嘅力量可能微不足道，但當能夠做到以愛傳遞愛，就可以發揮最大功效。 將「炎點愛」的精神廣泛傳播，並讓大家感受到我哋嘅愛同心意，為更多人燃點 希望。

喺第五波疫情影響之下，好多市民都非常徬徨，全港物資又缺乏，測試包、食 物同日用品都被搶購一空，尤其是低收入家庭同社會容易遺忘嘅一群更加無所 適從，當時每個地方都需要做快測，好多人都因為無工開連一日三餐都成問 題，又如何有額外支出買抗疫物品呢?

後援會為此於三月份做咗兩次募捐，希望粉絲們一齊集合力量為有需要嘅市民 岀一點綿力。當時共籌得超過港幣 20 萬，利用這些善款經不同途徑去搜羅抗疫 物資同購買食物包，並聯絡幾個不同嘅慈善機構用最短時間將物資發放到每一 個有需要人士手上，希望能夠幫佢哋化解燃眉之急。

四月份亦正值 Gigi 嘅生日月份，後援會舉辦咗一個於網上進行嘅炎明熹藝術作 品展，將 Gigi 及粉絲所畫嘅畫同書法展岀，同時亦將部分 Gigi 嘅作品印製成畫 冊、Tee shirt、環保袋等等，於網上進行義賣並將籌得嘅款項，經香港兒童慈善 基金會為 3-13 歲嘅基層兒童於 6-8 月期間，提供實體或網上課程(包括藝術、學 術及成長培訓)讓兒童得以在疫情期間仍可持續有不同嘅學習機會。

除咗幫助低收入家庭及兒童之外，義工隊對於環境保護亦都不遺餘力，為我哋 所愛嘅地方岀一分力，所以喺上年 5 月、6 月及 10 月舉辦咗三次海岸清潔活 動，將愛護環境嘅信息傳遞岀去。
疫情一拖就三年，社會上嘅正能量越來越少，7 月同 8 月義工隊參加咗香港一 大型活動”香港天燈節”，呢個係摺紙鶴最大型展示健力士世界紀錄挑戰嘅活 動，而我哋派出咗 50 位義工由摺紙鶴到天燈節嘅慈善單為都參與其中，除成功 破了世界紀錄外，天燈節義賣攤位所得嘅款項亦捐贈予慈善團體。

由於多次嘅義工活動深深感受到慈善係需要持久進行，加上有好多粉絲都傳訊 息俾會長希望加入義工隊，所以我哋喺 9 月進行咗第二次義工招募活動，義工 數目由起初嘅 20 人急升至超過 120 人，帶岀咗原來追星都可以好有意義，將 Gigi 俾我哋嘅愛同正能量傳遞俾更多有需要嘅人。

由於義工人數增加，我哋亦都有更多嘅力量可以參與更多不同種類嘅慈善活 動，喺 9 月同 10 月我哋分別參與咗兩次獨居長者同兒童村嘅探訪活動，喺呢四 次嘅探訪活動中，我哋發現到除咗物質外，原來獨居長者同小朋友更需要嘅係 身邊人對佢哋嘅關心。因為疫情嘅關係，有好多長者同屋企人因不同嘅原因無 辦法見面，所以情緒會較為低落，但當我哋去同佢哋傾吓偈佢哋會開心好多。

亦因為咁後援會亦希望可以為兒童及長者做一次大型嘅慈善活動。經聯絡唔同 慈善機構及地區嘅慈善組織後，喺 12 月我嘅參加咗香港兒童慈善基金會主辦嘅 兒童環保活動，喺活動中我哋參與咗一個義賣攤位，而今次義賣嘅物品全部都 係由粉絲將屋企買咗但一直無用過嘅物品捐贈岀嚟，俾有需要嘅人購買令本來 無用嘅物品再次發揮作用，希望將環保唔浪費嘅信息帶俾兒童，由佢哋將呢個 信息傳承落去。而今次所籌得嘅款項除捐贈予香港兒童慈善基金會外，其餘全 數就用喺今年 1 月份嘅愛心送暖活動，為全港 7 條公共屋邨合共 335 名獨居長 者送上節日祝福。

截至 2022 年底，義工隊參與過 9 次不同類型嘅慈善活動，而義工嘅總服務時數 亦有 1175 小時，雖然並唔係一個好大嘅數字，但對於我哋嚟講係一種鼓勵，亦 都係提醒我哋身邊有好多需要幫助嘅人，喺 2023 年我哋亦會繼續將 Gigi 嘅愛傳 到每個角落。